iron-01

आजकलको जमानामा कपडामा प्रेस अर्थात आइरन नलगाउने मानिस सायदै होलान । हामीलाई चिटिक्क देखाउनको लागि पनि हाम्रो कपडामा आइरन लगाउनु नितान्त आवश्यक हुन्छ ।

आइरन नलगाएको कपडा कच्याककुचुक र खुम्चेको हुन्छ । जसले गर्दा कपडा नयाँ भए पनि त्यो कपडा लगाउने व्यक्तिको व्यक्तित्वमा सिधै असर गरिरहेको हुन्छ ।

तर कहिले काहीं हामीले प्रयोग गर्ने आइरनको तल्लो भाग अर्थात मेटलको भागमा कालो दाग बस्ने गर्छ । जसले गर्दा आइरन गर्ने समयमा उक्त आइरनको कालो दाग हाम्रो कपडामा समेत लाग्न गई कपडा बिग्रिने सम्भावना निकै धेरै हुन्छ ।

आइरनमा लागेको दागलाई सजिलै हटाउने उपाय यस्तो छ ।

तरिका नम्बर १

खाने सोडा र पानी

एक चम्चा पानीमा २ चम्चा खाने सोडा हालेर पेस्ट(लेदो) बनाउनुहोस ।

तयार पारिएको लेदो/पेस्टलाई आइरनको प्लेटको दाग लागेको ठाउमा दल्नुहोस ।

पेस्ट दले पछी सफा कपडा पानीमा डुबाएर पेस्टलाई पुछ्नुहोस ।

यदि तपाइको आइरनमा बाफ आउने प्वाल छ भने उक्त प्वालमा पनि सफा गर्नुहोस ।

आइरनको रिजरभोइरमा पानि भर्नुहोस ।

आइरनलाई अन गरेर फुल मोडमा पुरै तातो बनाएर ठाडो पारेर राख्नुहोस ।

आइरन तातो भएपछी सफा कपडामा आइरन दल्नुहोस, किचन टावेल प्रयोग गर्नुभए पनि हुन्छ ।

यसरी सफा कपडामा आइरन/दले पछी आइरनलाई बन्द गर्नुहोस र चिसो हुन दिनुहोस, यसरि तपाइले आफ्नो आइरनको प्लेटलाई सफा गर्न सक्नुहुन्छ ।

तरिका नम्बर २

भेनिगर र नुन

तपाइले भेनिगर र नुनलाई मिसाएर पनि आइरनलाई सफा गर्न सक्नुहुन्छ । यसको लागि दुइभाग भेनिगर र एक भाग नुन मिसाउनुहोस ।

त्यसपछि त्यसलाई उमाल्नुहोस नुन भेनिगरमा नघुली सम्म उमाल्नुहोस । उम्लिसके पछी एकैछिन चिसो हुन दिनुहोस, र चिसो नुन-भेनिगरलाई आइरनको प्लेटमा दल्नुहोस र सफा गर्नुहोस ।
Source: nagariksamchar.com

यो पढ्नुसः तपाईलाई थाहा छ, महिलाहरुको कपडामा किन गोजी हुदैन् ?